فقدت الإعلامية سالي عبد السلام جنيها التوأم التي حملت فيهما بعد صبرها عامان.
وقالت سالي عبد السلام عبر حسابها الشخصي بموقع التواصل الاجتماعي فيس بوك : ” قدر الله وماشاء فعل من كام يوم وده بعد سنتين انتظار التوأم اللى كان نفسي فيهم أوي يا رب .. سنتين صبر وانت مفيش قدامك غير الصبر زي أي رزق والحمدلله إن اختبارى كان في الصبر وبس مش اكتر وكنت طالباها تيجى من عند ربنا خالص ومن غير تدخل دكاترة “.
وأضافت عبد السلام: ” الحمدلله على نعمة الأخذ بعد العطاء .. يا رب ، قائلة : فقدت أغلى ما ليا ، واللى كان هيكون ليا.. الحمدلله ، قدري الحمد لله “.
أنا بكتب الكلام ده عشان يمكن حد يتعلم ، بهذه الكلمات استطردت الإعلامية سالي عبد السلام: ” كل حد قال لي وقال عليا مش عايزة تخلف عشان خايفة على جسمها و شغلها، وكانت اوحش حاجة سمعتها في حياتي ، وهم لا يعلمون شيئاً “.
واستكملت منشورها : ” عشان كل حد بيضغط على اللى قدامه وفاكر انه حقه وده لا يحق له عشان المفروض انه قريب او معتبر نفسه كدة ومش من اهله اصلاً ولا يحق له و يحسسهم إن وراهم تارجت يا إما هيكون منبوذ منهم وهنسود عيشتك بسؤالنا كل شهر و نضغط عليك مع انهم مش هيشيلوا اصلا و محدش هيشيل غيرك..وهم لا يعلمون شيئاً “.
وأردفت : ” اوعى تقولي انك حامل وخافى من العين واى كلام فى الموضوع ده بالذات ! مقولتش وبرضه محصلش ومع احترامي ليهم العرسة بتخلف ده مش انجاز ..وهم لا يعلمون شيئاً “.
وتابعت : ” عشان كل ست اوعى تبقى ب ١٠٠ ست و تشيلى مسؤولية كل حاجة لوحدك “لوحدك”.. الست الجدعة بجد مبتاخدش حاجة.. الست الجدعة محدش بيساعدها وكله بيرمى عليها وكمان لما منعرفش نبقى زيها نعطلها او نقلل منها وبمعنى اصح نبقى سبب فى سقوط كل حاجة فيها مش اطفالها بس ! يا ريتنى قولت مبعرفش او مش هقدر عشان موصلش لكدة! ، وهم لا يعلمون شيئاً “.
واختتمت سالي عبد السلام منشورها : ” كلنا تعبنا و بنتعب ومحدش بيحس ومحدش طلب منك تحس بس الرحمة.. الرحمة ، كل اللى كتبت عنهم بينى و بينكم الله.. إنا لله وإنا إليه راجعون “.
وطالبت جمهورها قائلة : ” ادعولى كتير راضية و الحمدلله ، بس بنهار وانا بصلى ومش بطلب غير الثبات من ربنا ، بس ليا بيتين فى الجنة .. اخترت الاخرة والأبقى يا الله ” .
