قال الشاعر الغنائي تامر حسين في تدوينه له عبر حسابه الشخصي بموقع التواصل الاجتماعي فيسبوك: رداً على فيديو المُلحن سليط اللسان قبيح القول على حد تعبيره.
وتابع تامر حسين : أنا فعلاً غلطت لما قُلت على المُحترمين المُبدعين مدين أو عزيز الشافعي زمايلك على أساس انك معانا في الوسط وراجل كُنت ملحن كبير وعاقل وحذرتك تتهم حد ناجح ومكسر الدنيا بالباطل والإفتراءت الكذابه اللى بتخترعها فب أي نجاح كبير يلتفت حواليه الناس وإنت لا ترتقى إنسانياً تبقى زميل ل واحد فيهم شتان فرق الأخلاق ده انا اللى بعتذرلهمُ على التشبيه الغير موفق مني ظلمُتهم.
وأردف الشاعر: ثانياً لو جبت سيرتك بالخير في أنا بعمل ب أصلى فى أى لقاء وأى برنامج وبتربيتى وب أقول عيب عنده أولاد كُبار يتشرفوا بباباهم ماتردش الإساءه ب الإساءه معنديش فُجر الخصومه ولا حابقىّ مُتقلب الود زيك مع كل اللى أحسنوا إليك وساعدوك.
واضاف : عشان لما حد من الجمهور المحترم يشوفنى مايقولشى عليا قليل الأصل ونتساوى في القُبح ودى أخر مرة حاغلط وأجيب سيرتك لاني ما بقيتش بأتشرف بيها وب أتكسِف منها.
الناس عارفه كويس وفاهمه مين فينا صادق ومين كداب
بالمواقف والسنين والإحترام والتقدير والحمد لله أن ربنا أنعم عليا وخلانى شخص سوي و بأعقل كلامى وإحترم نفسي لا ف قلبى غل ولا حقد ولا بأعترض على اللى ربنا كاتبهُ لزمايلي ببارك للجميع بقلب أبيض مابقللش من مجهودهم ونجاحهم.
وحذر الشاعر تامر حسين الملحن الشهير قائلاً : دى أخر رسالة تتقالك ب إحترام اللي جى حابقىّ عداني العيب إحترم سنك إحترم نفسك إحترم انك عندك أسرة مايصحش يبقى cv من بعد ما كان نجاحات يبقى خِناقات وسيرة سيئة ، لإن ماحدش حايسكُت لك تانى على أى تجاوز.
