نظرا لقدوم العام الدراسي الجديد وعمل السندوتشات وارتفاع الاسعار ايقونه عربية جاءت لكم بالحل الامثل لطريقة عمل البوريك بالجبنه البيتى وباسهل طريقة وتوفير ومقادير موجودة فى كل بيت خصوصا ان اغلب الكبار والصغار بيحبوا البوريك بالجبنه .
المقادير
3 كوب دقيق منخول
علبه زبادي
2 م ك لبن بودره
م ك سكر
م ك خميره
4 م ك زيت
م ك بيكنج باودر
م ك صلصه
م ك خل
م ص ملح
ميه دافيه للعجن
الطريقه
⬅اول حاجه حطي رربع كوبايه ميه دافيه عليها السكر والخميره وسيبها لحد ماترفع حوالي 10 دقايق
– تاني حاجه حطي بقيت المكونات ع بعضها الجافه الاول وبعدها الباقي وقلبي وبعدها تضيفي الخميره وتعجني بميه دافيه حبه حبه
– لازم تكون العجينه هش وزي الاستيك كدا ولينه اعجني كتييييير حوالي 10 دقايق وتكون بتلزق بسيط وسيبها تخمر نص ساعه
وبعدها قطعيها 3كور وريحي العجينه نص ساعه وبعدين افردي واحده وبكوبايه وقطعي دواير والباقي لفيه كوره وارجعي افردي وقطعي واحشي (جبنه )
وعملت حشو تاني عالوش ب ( زبده زعتر وملح) جميل برضه
وتحطيهم فصينيه مدهونه زيت وبعدين ترتاح وبعدها عالوش خليط بيضه وحبه لبن وفانيليا وادهنيهم وبعدين رشي سم سم،حبه بركه،وممكن زعتر بتاخد حوالي 15:20دقيقه بالفرن وتكوني مسخناه قبلها..وممكن تفتحي فالاخر الشوايه تاخد لون ويتم استخراجه من الفرن ورصه على طبق للتهويه.
