مع تزامن فصل الشتاء والجو البادر كلنا نحتاج لكوب شاى مع قرص طرية للشعور بالدفى إليكم طريقة عمل القرص الطريه بالسمنه بأقل تكاليف .
المقادير
كيلو دقيق
كوب لبن دافئ
كوب ونصف سمنه مذابه
٢ علبة زبادى
ملعقة خميرة
ملعقة صغيرة ملح
كيس بيكنج بودر
٢ ملعقة كبيرة سكر
طريقة التحضير
ندوب الخميرة والسكر فى كوب لبن دافئ ونتركه لمدة ١٠ دقائق حتى تتفاعل الخميرة ثم نضع الدقيق فى طبق وعليه الملح والبيكينج بودر ثم نضع كوب اللبن بالخميرة والسكر ونضع الزبادي ونعجن المكونات كويس
• ثم نضع عليهم السمن ولازم تكون سايحه ونستمر فى العجن حتى نحصل على عجينة طرية ناعمه لو احتاجت ماء تاني نضيف معلقه كبيرة بالكتير ونغطيها تخمر جيدا لمدة ساعه وبعد ذلك شكلى(مطبخك مع رشا)العجينه لكرات صغيرة الحجم ثم نفردها قليلا بحجم القرصة ونضعها فى صينية مدهونة بالزيت ونغطيها وتترك لمدة ربع ساعة قبل التسويه وهنا هنجهز الدهان للوش
معلقه صغيره من القهوة سريعة الذوبان علي نص كوب ماء وندهن الوش بيها قبل ما تدخل الفرن
• سخنى الفرن على أعلى درجة حرارة ثم دخلى القرص الفرن حتى تستوى وتأخذ اللون الأحمر الذهبي اخرجيها على فوطة وغطيها حتى لا تنشف وبعد كده تتشال في علبه محكمه الغلق علشان تفضل طريه .
