نقدم لكم اسهل طريقة لعمل جاتوه شاتوه الكريم كراميل حاجة كده ناكلها هتحسوها زي الجاتوه فعلا و طعمها بيرطب علي القلب .
المكونات
كوب لبن
كوب زيت
كوب سكر
باكيت كريم كراميل
معلقه و نص كبار لبن بودره
كوب ونص دقيق
٢ بيضه
معلقه كبيره بيكنج بودره
معلقه صغيره فانيليا
الطريقه
في الخلاط هنزل باللبن و السكر و باكيت الكريم كراميل و لبن البودره و الزيت و اضربهم كويس لحد لما يبقي معايا صوص كريمي اخد منو بقي كوبايه و علي باقي الخليط ده هنزل بالبيض و الفانيليا و اضرب كويس لحد لما يعمل فقاعات كده و يفتح شويه و بعدين انزل بالدقيق و البيكنج بودر و اضربهم كويس و بعدين اجيب صينيه مقاس ٢٦ و انزل بالخليط ده و ادخلها فرن سخن علي ١٨٠ لمده ٣٠ دقيقه و بعدين اول لما تطلع بسبها تبرد خالص و بجيب كوب الا ربع لبن و عليه معلقه صغيره سكر و اسقي بيه الكيكه و بعدين انزل بالصوص اللي شلناه علي الكيكه و افرده كويس و اجيب كيس صوص الكراميل اللي بيبقي في العلبه ده و اعمل بيه خطوط بالشكل ده و بعدين اعملها بعود خشب بالشكل ده خطوط عكس بعض و نسبها في التلاجه ساعه .
