بنط من ع السور
والحصه شغاله
{تعالى.. تعالى .. تعالى تعالى }
الست عامله فى الدماغ حاله
بعتالى بهجة غنا
اصرفها فى حواله
بس الأمور باخت
وقف المدرس ألف
وبيعدل الجاكت
الفصل كان ساكت
مافيهش اى حياه
بعترت صوت صرختى
نعكش وجع جواه
مين اللى قال الأه ..
يطلع قوام بره
طلعت كام مره ..
والله ما انا فاكر
الدرس متذاكر..
بس إستيعابى ضعيف
أوقات بشوف الحقايق
وكإنها تخاريف
فاضيف عليها خيالى …
واظبطلى تحويطه
واهى سكتت الزيطه
زعق المدرس ..
_ اقف..
وشك على الحيطه
وارفع ايديك للسما
الوعى مش مكلمه
والجرئه مش مجدعه
والبأف والأمعه يقعدوا الاول
الدرس هيطول
الدرس هيطول…
