اجمل ايس كريم لحر الصيف كلنا بنحب نتغلب عليه بالايس كريم لانه بيطعى احساس بالبهجه والاسترخاء سواء للكبار او الصغار وأحيانا الناس بتتناوله فى فصل الشتاء وخصوصا أثناء الخروج والتنزه فى الحدائق ولكن ايقونه عربية سهلتها على محبى الآيس الكريم وجاءت لهم باسهل طريقة للعمل فى المنزل.
طريقه الايس كريم
المقادير الاساسية لأي نوع آيس كريم
كوب كريم شانتيه بودر
نصف كوب لبن بودر… ممكن نلغي لو عاوزينه صيامي..
نصف كوب سكر بودر
فانيليا لو عاوزين آيس كريم فانيلا
ياسلام لو ضفتوا نص كوب حليب مكثف محلي… هيبقي تحفه وطريقته فالبيت كالأتي
كوب لبن + نص كوب سكر عالبوتاجاز على نار متوسطه مع التقليب لغايه مايغلي ويتقل مش هيكمل ربع ساعه عالنار نطفي النار وبعد مانطفي النار نزود ٢ باكيت فانيليا هيجهز معاكم احلى حليب مكثف محلي بيتي تضيفيه على الايس كريم البيتي ينقله في حته تانيه
ايس كريم الشيكولاتة
كوب كريم شانتيه بودر
نصف كوب لبن بودر
نصف كوب سكر بودر
نصف كوب كاكاو خام
اخلطي كل المكونات البودر علي بعض وخدي ٤ معالق كبار منهم على نص كوب لبن مثلج او ماء مثلج واضربيهم بالمضرب الكهربا لحد مايتقل معاكي وبعدين انزلي بيهم في علبه بلاستيك وغطيها ودخليه الفريزر يجمد
لو عايزاه باي طعم فاكهه جمدي الفاكهه في الفريزر واضربيها في الخلاط او الكبة وبعدين حطيها علي الايس كريم فانيليا بعد ماتعمليه وقلبيهم مع لحد مايتقل معاكي وفي علبه بلاستك وعلي الفريزر علي طول…
